L t

A Forum For All Life Stuff ( Sports, Music, Religion etc. )
 
HomeHome  SearchSearch  RegisterRegister  Log inLog in  

Share | 
 

 Nokat 3al MTgwzen ( Gamden Awi 3la Dmaanti :D )

Go down 
AuthorMessage
Admin
Admin
avatar

Number of posts : 16
Age : 26
Registration date : 2007-12-23

PostSubject: Nokat 3al MTgwzen ( Gamden Awi 3la Dmaanti :D )   Sat Jan 05, 2008 3:51 am

واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" ‏قالها: "الحب زى النجوم الجميلة اللى فى السماء"

قالتله"طب والجواز؟" قالها:"دى الحفرة اللى ‏واحنا بنبص على النجوم بنقع فيها.."


واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ‏ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين.


‏ واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد: تاخد ‏بتاعتي؟؟


واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. ‏طرررررخ!!!

الزوج: "فيه ايه يا بنت الحلال؟ ليه كدا؟؟؟"

الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده ‏أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في ‏أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت ‏الحلال في ايه تاني؟؟" الزوجه:"حصانك على التليفون"


مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العزوبية


مدرس رياضيات اتجوز مدرسة رياضيات خلفو ولد شبه منحرف وبنت دايره على حل شعرها


واحد بيقول لمراته ... انا النهاردة عايز رومانسية فى البيت ...

راحت الزوجة سألت امها: يعنى ايه رومانسية ؟؟ الام : مش عارفة بس احتياطى إنقعى الرز


واحده وحشه بتقول لجوزها بكره عيد ميلادى. قالها هنقف دقيقتين حداد


مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى ‏بتجيلك؟"


‏ مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا هتعمل إيه؟" ‏قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد ‏جوازكوا الخمسة وعشرين هتعمل ايه؟" فقالوا "هروح اخدها"


مرة دكتور دخل عنبر فى سراية المجانين لقى واحد بيخبط دماغة فى الحيطة

سأل الممرضة ماله ده ‏؟ قالت أصله كان بيحب واحدة ومتجوزهاش ..

دخل العنبر الى بعده لقى واحد بيضرب نفسة ‏بالشبشب قالها وده ماله قالتله اصل ده الى اتجوزها‏ ؟؟


واحد بيقول لخطيبته لما ازمرلك انزلي قالتله هو انت اشتريت سيارة قالها لأ اشتريت زامور


الرجل: انا عايز حاجه تهدي اعصابي يا استاذ!!

المحامي: لكن انا محامي مش دكتور..

الرجل: عارف...ماانا عايز اطلق مراتي!!

_________________
Back to top Go down
View user profile http://lifestuff.pureforum.net
 
Nokat 3al MTgwzen ( Gamden Awi 3la Dmaanti :D )
Back to top 
Page 1 of 1

Permissions in this forum:You cannot reply to topics in this forum
L t :: L t : Fun House :: Jokes x Jokes-
Jump to: